स्थानिय निकायको दोश्रो चरणमा कुन स्थानीय तहमा कसले जिते (सूचीसहित )

१७ असार,काठमाडौं । दोस्रो चरणको निर्वाचन भएका स्थानीय तहको मतगणना जारी रहँदा एमालेले आफ्नो अग्रता कायमै राखेको छ । कांग्रेसले एमालेलाई कडा टक्कर दिइरहेको छ भने माओवादीले पनि अपेक्षाकृत राम्रो नतिजा ल्याएर तेस्रो स्थान सुरक्षित गरेको छ ।

अहिलेसम्म संघीय समाजवादी फोरम र राष्ट्रिय जनमोर्चाले एकरएक स्थानीय तह जितेका छन् । मतगणना भइरहेका ठाउँहरूमा एमालेले कांग्रेसलाई पछि पारिरहेको छ ।


यसपटक कतिपय पार्टीका गढ भत्किएका छन् । कांग्रेसका गढका रुपमा रहेका डडेलधुराको अमरगढी र गुल्मीको रेसुंगा नगरपालिकामा एमालेले जितेको छ भने एमालेको गढ मानिएको भोजपुर नगरपालिकामा कांग्रेसले जितेको छ ।

मतगणनामा ७ नम्बर प्रदेशका पहाडी जिल्ला सबैभन्दा अगाडि छन् । त्यस्तै प्रदेश नम्बर १ र ५ का पनि पहाडी जिल्लाकै धेरै नतिजा आइरहेका छन् ।

एमालेले जितेका स्थानीय तहः

१. मैवाखोला गाउँपालिका, ताप्लेजुङ
२. मिक्वाखोला गाउँपालिका, ताप्लेजुङ
३. हिलिहाङ गाउँपालिका, पाँचथर
४. सन्दकपुर गाउँपालिका, इलाम
५. मादी नगरपालिका, संखुवासभा
६. हतुवागढी गाउँपालिका, भोजपुर
७. पौवादुम्बा गाउँपालिका, भोजपुर
८. रामप्रसाद राई गाउँपालिका, भोजपुर
९. टेम्केमैयुम गाउँपालिका, भोजपुर
१०. लामीडाँडा गाउँपालिका, खोटाङ
११. जन्तेढुंगा गाउँपालिका, खोटाङ
१२. पाख्रिबास नगरपालिका, धनकुटा
१३. छिन्ताङ शहीदभूमि गाउँपालिका, धनकुटा
१४. छथर जोरपाटी गाउँपालिका, धनकुटा
१५. सोताङ गाउँपालिका, सोलुखुम्बु
१६. दूधकोशी गाउँपालिका, सोलुखुम्बु
१७. ताप्ली गाउँपालिका, उदयपुर
१८. मस्टा गाउँपालिका, बझाङ
१९. गौमुल गाउँपालिका, बाजुरा
२०. पाण्डवगुफा गाउँपालिका, बाजुरा
२१. स्वामीकार्तिक गाउँपालिका, बाजुरा
२२. पञ्चेश्वर गाउँपालिका, बैतडी
२३. अमरगढी नगरपालिका, डडेलधुरा
२४. नवदुर्गा गाउँपालिका, डडेलधुरा
२५. थलारा गाउँपालिका, बझाङ
२६. बित्थडचीर गाउँपालिका, बझाङ
२७. तेलकोट गाउँपालिका, बझाङ
२८. दुर्गाथली गाउँपालिका, बझाङ
२९. नौगाड गाउँपालिका, दार्चुला
३०. अपिहिमाल गाउँपालिका, दार्चुला
३१. लेकम गाउँपालिका, दार्चुला
३२. सुस्ता गाउँपालिका, नवलपरासी
३३. तिनाउ गाउँपालिका, पाल्पा
३४. निस्दी गाउँपालिका, पाल्पा
३५. मालिका गाउँपालिका, गुल्मी
३६. रेसुङ्गा नगरपालिका, गुल्मी
३७. रुरु गाउँपालिका, गुल्मी
३८. मेन्छेयाम गाउँपालिका, तेह्रथुम
३९. त्रिवेणी गाउँपालिका, रोल्पा

कांग्रेसले जितेका स्थानीय तह

१. मेरिङदेन गाउँपालिका, ताप्लेजुङ
२. तुम्वेवा गाउँपालिका, पाँचथर
३. चिचिला गाउँपालिका, संखुवासभा
४. भोटखोला गाउँपालिका, संखुवासभा
५. सिलिचुङ गाउँपालिका, संखुवासभा
६. दिप्रुङ गाउँपालिका, खोटाङ
७. ऐंसेलुखर्क गाउँपालिका, खोटाङ
८. भोजपुर नगरपालिका, भोजपुर
९. अरुण गाउँपालिका, भोजपुर
१०. गुल्मी दरवार गाउँपालिका, गुल्मी
११. चन्द्रकोट गाउँपालिका, गुल्मी
१२. प्रतापपुर गाउँपालिका, नवलपरासी
१३. राजपुर गाउँपालिका, दाङ
१४. शैल्यशिखर नगरपापिलका, दार्चुला
१५. महाकाली नगरपालिका, दार्चुला
१६. मालिकार्जुन गाउँपालिका, दार्चुला
१७. काँडा गाउँपालिका, बझाङ
१८. बुंगल नगरपालिका, बझाङ
१९. सुर्मा गाउँपालिका, बझाङ
२०. त्रिवेणी नगरपालिका, बाजुरा
२१. छेडेदह गाउँपालिका, बाजुरा
२२. बडिमालिका गाउँपालिका, बाजुरा
२३. हिमाली गाउँपालिका, बाजुरा
२४. आलिताल गाउँपालिका, डडेलधुरा
२५. गन्यापधुरा गाउँपालिका, डडेलधुरा
२६. भागेश्वर गाउँपालिका, डडेलधुरा
२७. केआर्इ्सिंह गाउँपालिका, डोटी
२८. बडिकेदार गाउँपालिका, डोटी
२९. दशरथ चन्द नगरपालिका, बैतडी
३०. सुर्नया गाउँपालिका, बैतडी
३१. कमलबजार नगरपालिका, अछाम

माओवादीले जितेका स्थानीय तह

१. लिखुपिके गाउँपालिका, सोलुखुम्बु
२. महाकुलुङ गाउँपालिका, सोलुखुम्बु
३. चिसंखुगढी गाउँपालिका, ओखलढुंगा
४. साकेला गाउँपालिका, खोटाङ
५. आमचोक गाउँपालिका, भोजपुर
६. बंगलाचुली गाउँपालिका, दाङ
७. सिस्ने गाउँपालिका, रुकुम
८. पथा उत्तरगंगा गाउँपालिका, रुकुम
९. भूमे गाउँपालिका, रुकुम
१०. थवाङ गाउँपालिका, रोल्पा
११. सुनछहरी गाउँपालिका, रोल्पा
१२. लालझाडी गाउँपालिका, कञ्चनपुर
१३. अजयमेरु गाउँपालिका, डडेलधुरा
१४. बोगटान गाउँपालिका, डोटी
१५. मार्मा गाउँपालिका, दार्चुला

संघीय समाजवादी फोरमले जितेको स्थानीय तह

१. नैनापुर गाउँपालिका, बाँके

राष्ट्रिय जनमोर्चाले जितेको स्थानीय तह

१. मल्लरानी गाउँपालिका, प्यूठान
श्रोत अनलाईन खबर

विश्वकै धनी धनी विल गेट्सका सफलताका दश सुत्र ,जसले तपाईको जीवन बदल्न मद्धत गर्नेछ

  गेट्स विश्वकै धनी व्यक्ति मध्ये एक हुन । उनी धन र मन दुवैका धनी मानिन्छन् । जसका विश्वप्रसिद्ध १० भनाईहरुल तपाईको जीवनमा महत्वपूर्ण परिवर्तन ल्याउन सक्छन् ।

१. गरिब जन्मिनु तपाईंको कुनै गल्ती होइन तर, यदि तपाईं गरिब नै मर्नुभयो भनेचाहिँ त्यो तपाईंकै गल्ती हो ।

२. सफल नेतृत्व त्यसलाई मात्र मानिन्छ, जसले आवश्यक परेकालाई सहयोग गर्न कुनै अप्ठ्यारो मान्दैन ।

३. आफूलाई अरु कोहीसँग पनि तुलाना नगर्नुहोस् । यसो गर्दा तपाईंको आत्मविश्वास कमजोर हुन्छ ।

४. यदि तपाईंसँग पैसा छ भने तपाईं विश्वको कुनै पर्वाह गर्नुुहुन्न । तर, तपाईंसँग पैसा छैन भने याद गर्नुहोस, विश्वले तपाईंको पर्वाह गर्ने छैन ।

५. सफलताको खुसी मनाउनुहोस, तर तपाईंले आफ्नो असफलताबाट पनि सिक्न नछोड्नुहोस् ।

६. नयाँ विषय तथा वस्तुसँग मानिसहरू डराउँछन् र कालान्तरमा त्यसलाई स्वीकार पनि गर्छन् । विद्युत् नै पनि यसको उदाहरण हो।

७. यदि तपाईंले केही बढी गर्नुपर्ने छ भने याद गर्नुहोस्, तपाईंले रिस्क पनि लिनुपर्छ ।

८. कुनै पनि अप्ठ्यारो काम गर्नुपर्नेछ भने अल्छीहरूलाई छान्नुहोस्, उनीहरू काम गर्नका लागि अत्यन्त सहज तरिका छान्छन् ।

९. यदि तपाईंलाई तपाईंको शिक्षक ठीक छैन भन्ने लागिरहेको छ भने केही समय पर्खनुहोस, मालिकलाई भेटेपछि शिक्षकबारे धारणा बनाउनुहोस् ।

१०. कुनै पनि कुरा अत्यन्त राम्रोसँग गर्न सक्ने तपाईको क्षमता छैन भने त्यसलाई राम्रो देखाउने प्रयासचाहिँ गर्नुहोस् । एजेन्सी

अरुलाई दिएर अघाउँदैन थिए देवकोटा, पढ्नुहोस एक प्रेरक प्रसंग

नेपाली साहित्यका महाकवि लक्ष्मीप्रसाद देवकोटा आफ्नो उत्कृष्ट कविता, निबन्ध, खण्डकाव्य,र महाकाव्यका लगिा जति चर्चित छन्, मानवसेवाको लागि पनि उत्तिकै परचित छन् ।

देवकोटा अत्यन्तै दयालू स्वभावका थिए । उनी अरुको दुः ख लाई आफ्नो भन्दा पनि बढी महत्व दिने स्वाभावले गर्दा देवकोटा मानवतावादी व्यक्तिका रुपमा समेत प्रतिष्ठित छन् ।
एकपटक महाकवि देवकोटा कार्यलयबाट घर फर्किदै थिए । सोही दिन उनले तलब पनि थापेका थिए । उनी मनमनै सो तलब कसरी खर्च गर्ने, केकस्ता अत्यन्त जरुरी काम सम्पन्न गर्ने , कस –कसको ऋण तिर्ने , कुन–कुन छोराछोरीको शल्क तिर्ने जस्तो योजना गम्दै हिँडिरहेका थिए । उनले बाटामा उनीतिरै हात पसारेर मागिरहेका एक भिखारी देखे । उनले उसको कोटको खल्तीमा हात घुसारे । त्यहाँबाट निकालेर केही रकम ती दीनहिन भिखारीको हातमा राखिदिए । भिखारीले उनलाई आर्शीवाद दियो । देवकोटा एउटा दुःखीलाई सहयोग गर्न पाएकोमा दंग पर्दै अघि बढे ।
अलि पर नपुग्दै उनले अर्को भिखारीलार्य त्यसैगरी हात थापिरहेको देखे । उनले ती भिखारीलार्य पनि निरास पारेनन् । केही रकम हातमा राखिदिए । यसैगरी जाँदाजाँदै घर नपुग्दै उनले थापेको तलब सबै सकियो । तैपनि बाटामा भिख माग्ने भेटिइरहेका थिए । आफूसित भएको रकम सकिएर तिनलाई सहयोग गर्न नपाएकोमा देवकोटा खिन्न हुँदै अघि बढ्दै गए । अचानक बाटामा जाडोले थुरथुर काम्दै गरेका एक भिखारीलाई उनले परैबाट देखे ।
तिनको शरीरमा लुगाको नाममा एउटा सामान्य धरो पनि थिएन । एउटा सानो लगौटीले उनी मुस्किलले आफ्नो लाज ढाक्ने प्रयत्न गरिहेका थिए । तिनको दुःख देख्दा देवकोटाका आँखा रसाए । उनले आफुले लगाइरहेको कस्मिराको कोटा फुकालेर कामिरहेका तिनै भिखारीलाई लगाइदिए र आफुचाहिँ मन्द मुस्कानसाथ काखीमुनी दुवै हात घुसारेर हिउँदे चिसोको अनुभव गर्दै घरतिर लागे ।

चाणक्यका यी कालजयी शिक्षा, जसले फेर्न सक्छ तपाईको जीवनदृष्टि

चाणक्यले बोलेका कयौं कुराहरु अमूल्य छन् । यसका सर्वकालीक महत्व देखिन्छ । यदि उनले भनेका यी भनाईहरुलाई गहिरिएर सोच्न सकियो भने हामीले धेरै समस्या समाधान गर्न सक्छौं । यहाँ चाणक्यले भनेका केही महत्वपूर्ण वाणीहरु उल्लेख गरिएको छ ।

पुरुषको विवेक र महिलाको सुन्दरता संसारमै सबैभन्दा शक्तिशाली हुन्छ ।

हरेक मित्रताको पछाडि जरुर केही स्वार्थ हुन्छ, यो तीतो सत्य हो ।

आफ्नो बच्चालाई पहिलो पाँच वर्ष खुब माया गर्नुहोस् । ६ वर्षदेखि १५ वर्षसम्म कठोर अनुशासनमा राखेर संस्कार  दिनुहोस् र १६ वर्षपछि मित्रवत व्यवहार सुरु गर्नुहोस् ।

अरुको गल्तीबाट सिक्नुहोस् ।

आफैं गरेर सिक्ने वा आफ्नै प्रयोगबाट मात्र सिक्ने हो भने तपाईको आयू एकदम कम सावित हुनेछ
कुनै पनि व्यक्ति चाहिने भन्दा बढी इमान्दार हुनु आवश्यक छैन ।

सिधा रुख पहिला काटिन्छ र सिधा व्यक्ति पहिलो आक्रमणको शिकार हुन्छ ।

कुनै सर्प विषालु छैन भने पनि उसलाई विषालु देख्नुपर्छ । जस्तो कि नटोकिहाले पनि जुनसुकै बेला टोक्न सक्छ भनेर अरुलाई महसुस गराउन सक्नुपर्छ ।

कुनै पनि काम सुरु गर्नुभन्दा अगाडि आफूलाई तीन प्रश्न गर्नुहोस्( म यस्तो किन गर्न गइरहेको छु ? यसको परिणाम के होला ? के म सफल हुन्छु त ?

डरलाई नजिक आउनै नदिनुहोस्, यदि यो नजिक आयो भने यसमाथि हमला गर्नुहोस् । अथवा डरसँग भाग्ने होइन सामना गर्नुहोस् ।

सुरु गरेको काम सम्पन्न गर्नुहोस्, परिणामसँग नडराउनुहोस् ।

सुगन्धको प्रसार हावाजस्तै कमजोर हुन्छ, तर राम्रो कुरा सबै दिशामा फैलन्छ ।

ईश्वर चित्रमा होइन, चरित्रमा बस्दछन् । आफ्नो आत्मालाई मन्दिर बनाउनुहोस् ।

व्यक्ति आफ्नो आचरणले महान हुन्छ, जन्मले होइन ।

यस्तो व्यक्ति जो आफ्नो स्तरभन्दा तल वा माथि देखिन्छ, उसलाई साथी नबनाउनुहोस् । बनाउनुभयो भने ऊ तपाईको कष्टको कारण हुनेछ । समान स्तरका मित्रता सुखदायक हुन्छ ।

शिक्षा सबैभन्दा असल मित्र हो । शिक्षित व्यक्तिले सदैव सम्मान पाउँछन् । शिक्षा शक्तिका अगाडि युवा शक्ति र सौन्दर्य शक्त सबै कमजोर हुन्छन् ।

तपाइँको ज्यान खतरामा पर्दा कुकुरले नै गर्नेछ पुलिसलाई फोन

असार १७ ।

तपाइँले घरमा पालेको कुकुर अब केवल घरको सुरक्षाका लागि मात्र होइन की तपाइँको ज्यान जोगाउने मामिलामा पनि काममा आउनेछ । अनुसन्धानकर्ताहरुले एक नयाँ प्रविधिको विकास गरेका छन् जसको मद्दतले कुकुरले पुलिसलाई फोन गर्न सक्नेछ ।

यदि कोही मानिस घरमा एक्लै छ र कुनै समस्यामा परेको छ भने उक्त कुकुरले तुरुन्त पुलिसलाई फोन गरेर जानकारी गराउनेछ ।

अमेरिकाको जर्जियास्थित एक टेक्नोलोजी विश्वविद्यालयले अनौठो ट्याबलेटको आविष्कार गरेका छन, जसलाई मानिसले होइन कुकुरले प्रयोग गर्नेछ ।

जर्जिया इन्स्िटच्यूट अफ टेक्नोलोजीले फिडो प्रोजेक्टमार्फत उक्त ट्याबलेट निर्माण गरकेो हो । उक्त ट्याबलेट विशेष छ । त्यसलाई मानिसका लागि होइन कुकुरका लागि बनाइएको हो ।

यदि अचानक तपाइँलाई हृदयाघात भयो भने कुकुरले ट्याबलेटमा गएर नाक रगडेर इमर्जेन्सी नम्बरमा कल गर्न वा टेक्स्ट गर्न सक्दछ । यद्यपि यो व्यवहारिक रुपमा कति सम्भव होला त्यो प्रयोगपछि मात्र थाहा होला । शोधकर्ताहरुका अनुसार यदि कुकुरलाई तालीम दिनेहो भने उसले यो ट्याबलेटको सही उपयोग गर्न सक्नेछ ।

एनिमल कम्प्युटर अन्तरक्रिया परियोजनाका निर्देशक मेलोडी ज्याक्सनका अनुसार जब कुकुरले ट्याबलेटको स्क्रिन स्पर्श गर्दछ तब विभिन्न आइकन खुल्दछन् । जसमा इमरजेन्सी नम्बर पनि हुनेछ । जब कुकुरले उक्त नम्बरमा छुन्छ तब पुलिसलाई कल जान्छ । त्यसमा जिपिएस लगाएको हुनाले पुलिसले सजिलैसँग कुन ठाउँबाट फोन आएको हो भन्ने कुरा थाहा पाउन सक्दछ । एजेन्सी

आइएसले स्वर्ग जाने पासपोर्ट बनायो

असार १७ । इस्लामिक आतंकवादी संगठन आइएसआइएस कति कुख्यात तथा खतरनाक छ यो सबैलाई थाहा भएकै कुरा हो । सिरिया तथा इराकमा यस आतंकवादी संगठनले ठूलो ध्वंस मच्चाइरहेको छ ।

सिरिया सहित अन्य देशका सेनाहरु यो संगठनको सफायामा लागिरहेका छन् । केही समयअगाडि सिरियन डिफेन्स फोर्सले त्यहाँको रक्का भन्ने ठाउँमा आइएसका विभिन्न ठेगानाहरुमा छापा मारेको थियो । त्यसक्रममा सेनाले यस्तो चिजहरु फेला पार्यो जुन देख्दा सबै अचम्ममा परे ।

वास्तवमा आइएसले आफ्ना लडाकुहरुका लागि स्वर्ग जाने पासपोर्ट बनाउने गरेको खुलेको छ । युद्धका क्रममा मृत्यु हुने लडाकुहरुका लागि स्वर्गको पासपोर्ट बनाइन्छ । गहिरो हरियो रंगको उक्त पासपोर्ट अरबी र अंग्रेजी भाषामा लेखिएको छ । सबै लडाकुहरुलाई उक्त पासपोर्ट बाड्ने गरिएको छ । उक्त राहदानीमा पासपोर्ट टू प्याराडाइज लेखिएको छ । यो पासपोर्ट बोकेर युद्ध गर्ने लडाकुहरु मारिएमा सोही पासपोर्ट सहित स्वर्ग पुग्दछन् भन्ने मान्यता आतंककारी संगठनका सदस्यहरुको छ ।

आइएसले नवयुवकहरुको ब्रेनवास गरेर उनीहरुलाई आतंकवादी संसारमा सामेल गर्दै आएको छ । युवाहरुलाई जिहानी बन्ने तालीम दिने र मारिएमा स्वर्ग पुगिने भन्दै युवाहरुलाई लोभ देखाउने गरेको छ । जसका कारण युवाहरु मर्ने मार्ने काममा उत्रिने गरेका छन् । एजेन्सी

‘जुम्ल्याहा छोरा भेट्न जाँदै रोनाल्डो

 काठमाडौं १६ असार । पोर्चुगाली सुपरस्टार कप्तान क्रिस्टियानो रोनाल्डोले अन्तरमहादेशीय कपमा तेस्रो स्थानलाई हुने खेल नखेल्ने बताएका छन् । कारण हो, रोनाल्डोको भर्खरै जन्मेका जुम्ल्याहा छोरा ।
कजानमा चिलीसँग हारेको केही घण्टापछि रोनाल्डोले नवजात छोराहरू भेट्नका लागि मस्कोमा हुने प्लेअफ नखेल्ने छुट मिलेको बताएका हुन् । ३२ वर्षीय रोनाल्डोले अमेरिकामा एक सरोगेट आमाबाट दुई बच्चा जन्माएका हुन् । उनको यसअघिको सम्बन्धबाट पहिल्यै ७ वर्षीय एक छोरा छन् ।

रियल म्याड्रिडका फरवार्डले दुई छोरा भर्खर जन्मेको अवस्थामा पनि सेमिफाइनलमा पोर्चुगलका लागि तनमनले खेलेको बताए । ‘पोर्चुगाली फुटबल संघ र राष्ट्रिय प्रशिक्षकले मेरो कुरा बुझे । यो म कहिल्यै भुल्न सक्दिनँ,’ चारपल्टका विश्व वर्ष खेलाडीले आफ्नो आधिकारिक फेसबुक पेजमा उल्लेख गरेका छन् ।
‘अन्तत म आफ्ना बच्चाहरूलाई भेट्न जाँदै छु, खुसी छु,’ उनले भनेका छन् । रोनाल्डोले समूह चरणमा प्रभाव जमाए पनि चिलीसँग त्यो जादू देखाउन सकेनन् ।
 श्रोत खबरडबली

एमालेको गढमा माओवादीको बाजी

१७ असार, ओखलढुंगा । जिल्लाको चिसंखुगढी गाउँपालिकामा नेकपा माओवादी केन्द्रका निशान्त शर्मा विजयी भएका छन् । नेकपा एमालेको गढका रुपमा परिचित यो गाउँपालिकामा शर्माले तीन मतले एमालेका उम्मेदवारलाई पछि पारेका हुन् ।

शर्माले १९०६ मत ल्याएका थिए भने उनका निकटम् प्रतिद्वन्द्वी नेकपा एमालेका भीमबहादुर थापाले १९०३ मत ल्याएका छन् ।

उपप्रमुखमा भने एमालेकी सुष्मा राई विजयी भएकी छन् । राईले २०७३ मत ल्याएकी छन् । कांग्रेसकी खिला आलेले १९७९ मत ल्याइन् ।

गाउँपालिकाका वडा नं। १, २, र ५ मा माओवादी केन्द्रले जित हात पारेको छ भने वडा नं। ३ र ४ मा नेपाली कांग्रेस तथा ६, ७ र ८ मा एमालेले जित हात पारेको छ ।

यो गाउँपालिका नेकपा एमालेका सांसद हर्कबोल राई र सकुन्तला राजभण्डारीको क्षेत्र हो ।

ओखलढुंगाका आठ स्थानीय तहमध्ये चिसंखुगढी गाउँपालिकाको मात्र मत परिणाम सार्वजनिक भएको छ । अन्य तहको मतगणना धमाधम भइरहेको छ ।